Узоқни яхши кўра олмаслик — Кириш
Қизиқ бўлиши учун, келинг сўзимни ўз ҳикоямни сўзлаб бериш билан бошлай. Исмим Нодир, 1987 йил туғилганман, касбим дастурчи муҳандис (программист). 16 ёшимдан бери кўзойнак тақаман. Бошланишида -1.00 диптриалик кўзойнак таққан бўлсам, йиллар ўтиб -3.75 гача чиқди. Ҳар йили оптометристга борганимда кўзойнагим -0.25 диоптриага ошиб борарди. Доимий равишда кўзимни ёмонлашиши юрагимни сиқарди. 2018 йил оптикага бордим, ўшанда -3.50 диоптриалик кўзойнак тақардим, оптометрист -3.75 лик кўзойнак берди. Ич-ичимдан нотўғри қилаётганимни, бундай давом этиш мумкин эмаслигини билардим. Хуллас янги кўзойнакни тақмадим, ўзимни эски -3.50 лик кўзойнагимда қолдим. 2 йилдан кейин ёқмасада (чунки доим юрагимни сиқадиган гап айтади) бошқа оптикага бордим. Лекин бу сафар, 17 йил деганда биринчи марта яхши хабар эшитдим — кўзим яхшиланишни бошлапти. Ўшанда -3.25 диоптриалик кўзойнак ясаттирдим. 0.50 диоптриага яхшиланиш кўп катта натижага ўхшаб кўринмаслиги мумкин, лекин ўйлаб кўринг шунақа суръатда яхшиланишда давом этса бир кун келиб кўзойнакдан батамом қутилишингиз мумкин. Бу гапим асло муболаға эмас, табиий йўл билан, ортиқча машқларсиз, жарроҳлик операциясисиз кўзни асл кўриш қобилиятини тиклаш мумкин. Бунга яқинда, endmyopia.org курси билан танишиб амин бўлдим. Йил бошида (2021 йил) 3 ойга яқин иш таътили олиб, Ўзбекистонда бўлдим, шу вақт давомида юқоридаги курсни ўқиб ўрганиб, ўзимда синаб кўрдим. Қисқа муддат ичида кўзимда яна яхшиланишни ҳис қилдим. Кундузи -2.75, кечаси -3.00 диоптриалик кўзойнак тақадиган бўлдим.
Энди ушбу курс (End myopia — Миопиани тўхтатиш) ҳақида тўхталиб ўтайлик. Миопиа бу яқиндан кўрар, яъни узоқни яхши кўра олмайдиган кўз ҳолати. Касаллик эмас, айнан ҳолат дейишимга сабаб кўз табиий равишда хиралашиб тиниқлашиб туради, буни физика тилида кейинчалик батафсил тушунтириб ўтамиз. Бу ҳолатни тўғирлаш учун (касалликни даволаш учун эмас) одатда манфий (-) диоптриялик кўзойнак тақилади (диоптрия — линзанинг оптик кучуни ўлчаш учун ишлатиладиган бирлик). Лойиҳа асосчиси Жейк Штайна кўзини -5.00 диоптриядан нолга яъни соғлом кўриш даражасига табиий равишда эришган. endmyopia.org кўриш биологияси, оптика, миопианинг пайдо бўлиш сабаблари ва ечимларини илмий далилларга асосланган ҳолда тушунтириб беради. Мен эса инглиз тилидан ўзбек тилига таржима қилиб, ўқиганларимни сиз билан бўлишаман. Агар бирор ерда шахсий фикримни айтмоқчи бўлсам, буни таъкидлаб ўтаман. Албатта ҳеч ким хато камчиликдан ҳоли эмас. Агар мен ҳам бирор хатога йўл қўйсам, ёки сизда ушбу лойиҳа учун бирор таклифлар бўлса, менга мурожаат қилишингиз мумкин (https://t.me/ochkidan_qutiling).
Фойдали манбалар
- Кўриш қобилиятини яхшилаш бўйича EndMyopia 7 кунлик қўлланмаси
- Кўриш қобилиятини яхшилашга эришганлар билан суҳбат
- Лазер операцияси (LASIK) миопияни тузатадими?
ОГОҲЛАНТИРИШ (endmyopia.org сайтидан):
* Биз бирон бир шахсий тажрибанинг тўғрилигини тасдиқлай олмасак ҳам, далиллар тўплами шуни кўрсатадики, табиий миопиа назорати бу муаммони бошқариш ва тўхтатиш учун ҳақиқатан ҳам реал йўл бўлиши мумкин. Биз ушбу топилмалар ва тажрибаларни тегишли биологик фактлар ва клиник тадқиқотлар билан бирга тақдим этамиз. Исботнинг асосий юки шахсга боғлиқ, чунки биз натижага кафолат бермаймиз ёки ҳеч қандай ғайриоддий ютуққа ёки даволанишнинг ҳар қандай турига даъво қилмаймиз.
** Биз миопиани ёруғликнинг синиши ҳолати сифатида ўрганамиз. Хато, касаллик ёки тиббий ҳолат сифатида эмас. Биз тиббий ғояларни эмас, балки илмий ғояларни ўрганамиз. Жейк ёки @endmyopia томонидан берилган ҳар қандай маслаҳат ва таклифлар 100% лицензиясиз, рухсатсиз, оптометрия институти томонидан тасдиқланмаган, чунки биз тиббиётни эмас, балки илмни муҳокама қиламиз. Биз муҳокама қиладиган барча нарсалар экспериментал бўлиб, агар сизда соғлиқ билан боғлиқ муаммолар бўлса, доим текширилган/рухсат берилган фикрга мурожаат қилинг. Баъзи махсус линзалар фақат муҳокама учун келтирилган, улар ва бу ерда келтирилган бошқа ҳар қандай таклифлар тиббий маслаҳат сифатида қабул қилинмаслиги керак. Маҳаллий қонунларингизга қараб, рецептлар ва тиббий тавсиялар учун маҳаллий оптометристга мурожаат қилишингиз керак. Ҳайдаш пайтида ёки тўлиқ тиниқ кўринишни талаб қиладиган ҳар қандай ҳаракат пайтида, тўлиқ тиниқ кўришни таъминлайдиган кўзойнакларингизни тақишингиз керак. Агар сизда тиббий ёрдамни талаб қиладиган аломатлар мавжуд бўлса, илтимос, офтальмолог ёки касалхонага ташриф буюринг!
