Лазер операцияси (LASIK) миопия(узоқни яхши кўра олмаслик)ни тузатадими?

Агар кўзларнинг ишлаш биологияси, миопия содир бўлиши сабаблари ҳақида ҳеч нима билмасангиз аввал ушбу мақолани ўрганиб чиқишингиз керак бўлади, бу билимларсиз ушбу мақолани тушинишингиз даргумон.

Лазер операцияси (илмий тилда LASIK деб аталади) узоқни яхши кўра олмаслик муаммосини «тузатади». Қўштирноқ ичида тузатади дейишга сабаб, LASIK миопиянинг симптомларини йўқотади — операциядан кейин кўзойнаксиз узоқни яхши кўра оласиз. Лекин муаммонинг асл сабабини — кўз соққаси чўзилишини ҳал қилмайди. Лазер операциясида кўзингизни шох пардаси бироз кесилиб, нурнинг синиши ҳолатини ўзгартиради, худдики линзани йўниб сайқаллаганингизда линзанинг ёруғлик нурини синдириш бурчаги ўзгаргани каби.

Буни мисоли худдики узоқни яхши кўриш учун мўлжалланган кўзойнакни доимий равишда кўзингизга ёпиштириб қўйган каби. Кўзойнак сизнинг прогрессив миопиянгизга сабаб бўлгани каби, LASIKдан сўнг кўпчиликда миёпи «тузатилади», лекин бу вақтинчалик бўлади. Операциядан кейин вақт ўтиб миопия яна ривожланиб, кўз соққаси чўзилишда давом этаверади, чунки кўзингизда узоқни кўриш учун мўлжалланган «кўзойнак» доим мавжуд, ва сиз уни яқин масофа учун ишлатасиз, кўз эса кучли диоптрияни компенсация қилиш чўзилаверади (миопия курсига қаранг). LASIKдан кейин йиллар ўтиб яна секин узоқни хира кўра бошлайсиз, ва яна лазер операция қилишда давом этаверсангиз кўзингиз учун ўта хатарли бўлган Ретинанинг ажралиши ва бошқа турдаги касалликларга олиб келади. Баъзи одамларда балки яхши натижа берар, лекин бошқаларда эса умрини охиригача турли хил кўз муаммолари пайдо бўлиши мумкин. Уларнинг кўпчилиги эса оғриқни камайтириш учун кўзларига дори томизади.

Эсингизда бўлса, миопиянинг кучайишига аслида сизга кўзойнакни сотган оптеметрист эмас, ўзингиз айбдорсиз дегандик. Оптика бу бир тадбиркорлик дўкони, улар сизга кўзойнак сотиб пул топади. Бу миопияни тузатмайди, балки вақтинчалик узоқни яхши кўришингизни таъминлайди. LASIK ҳам худди шундай, балки бундан ҳам ёмонроқ ва хавфлироқ. Агар кўз бўйича мақолаларни ўқишга, берилган тавсияларни ҳар куни бажаришга, кўз учун позитив стимул яратадиган одатларни қилишга эринчоқлик қилсангиз, ва осонгина қилиб лазер операцияси билан кўзингизни тузатмоқчи бўлсангиз, бу сизнинг энг катта хатоингиз бўлади. Кўзга зарари бор экан, унда нега қилишади десангиз, гап яна пулга бориб тақалади.

Баъзи ҳолатларда балки лазер операцияси керакдир, лекин ушбу мақолада фақатгина кўзойнак сабаб ортирилган миопияни тузатиш учун тўғри ечим эмаслиги таъкидланмоқда. Баъзи кўз касалликлари ласер операцияси ёрдамида даволанади, буни инкор қилмаймиз, лекин бу ерда гап кўз касалликлари эмас, миопия ҳақида кетмоқда. Аввал айтиб ўтганимиздек, миопия бу кўз касаллиги эмас, кўзларингиз соппа соғ, ва яратилгани каби ўз ишини бажармоқда, фақатгина баъзи ташқи омилларга мослашиб кўз соққаси чўзилган, буни эса ортга қайтариш иложиси бор.

Агар сиз аллақачон лазер операциясини қилдирган бўлсангиз, ва сизда яна миопия давом этаётган бўлса, уни ортга (лазер операциясидан кейинги яхши кўра оладиган ҳолатига) қайтаришни ҳам иложиси бор экан. Endmyopiya.org да бунинг учун пуллик курс бор, лекин мен уни сотиб олиб таржима қилиш ниятим йўқ. Ушбу сайтдан қуйидаги расмда кўрсатилган курсни сотиб олиб, endmyopia.org асосчиси Жейк билан тўғридан тўғри консультация олишингиз мумкин:

Мақолаларни тўлиқ ўқиш учун қуйидаги каналларга обуна бўлинг:

Medium: https://nazarov-nodir.medium.com/

Telegram: t.me/miopiya

Youtube: https://www.youtube.com/c/NodirNazarov

Манба: https://wiki.endmyopia.org/wiki/Frequently_Asked_Questions/LASIK