4-кун: Диоптрия кўрсаткичлари сирларни ошкор қилади
Кечаги мақоладан сўнг сизда бир қанча рақамлар йиғилиб қолган бўлса керак деб ўйлайман. Аввало шуни айтиб ўтиш керакки, ушбу рақамлар муҳим аҳамиятга эга. Бу рақамлар бизга кўзимизни чарчатадиган одатларни, кўзимиз яхшиланиши учун қанақа диоптриядаги кўзойнак кераклигини кўрсатади.
Келинг бу рақамларни қандай тушуниш кераклигини кўриб ўтамиз:
Биринчи, сизда эрталаб, кундузи ва кечқурунги рақамлар бор. Бу сизга масофалар диопозонини кўрсатади. Иккинчи кун мақоласини ўқиган бўлсангиз, кўзларингизни кўзойнаклар каби статик эмаслигини яхши биласиз. Агар буни эслол олмасангиз, мақолани қайтадан ўқишингизни ва буни яхшилаб уқиб олишингизни истардим. Кўзларимизнинг кўриш қобилияти статик эмас. Кўзларингиз кун давомида миопия даражасига қараб ўзгариб туради.
Хўш, нима учун бундай бўляпти?
Рақамларнинг ўзгариши кўзингиз чарчашига нималар сабаб бўлаётганлигини кўрсатади. Келинг менинг 3–4 кунлик қайдларимни кўриб чиқамиз:
Кўриб турганингиздек, дам олиш кунлари экранга камроқ қараган кунларим рақамлар юқори ва кўзойнак диоптрияси паст. Ундан ташқари кечқурунги рақамлар кундуз кунидан кўра пастроқ. Балки оптикада, қоронғу хонада, кўзларим чарчаган ҳолида -3.25 кўзойнак рицепи берилар, лекин ушбу олинган қайдларга кўра менга баъзан бу кучлилик қилади. Ушбу ҳолат деярли ҳар куни қайтарилаётганини кўришингиз мумкин — кечаси кўришим ёмонлашади, лекин эртаси куни кундузи яна бироз яхшиланади. Бу дегани кўзларимиз статик (ўзгармас) эмас. Мана шу кўз чарчашидир. Силиер мушагини эслайсизми? Куннинг охирига келиб у чарчаб қолади, ва кўриш қобилиятига таъсир кўрсатади. Кечқурун ухлаганимизда эса, силиер мушаги дам олади, бўшашади ва эртаси куни бироз яхшиланади.
Мана, ушбу рақамлар нима учун бунчалик муҳимлигини гувоҳи бўлдингиз. Шундай экан:
1. Ўлчашда ва қайд қилиб боришда давом этинг. Агар эсингиздан чиқиб қолса, телефонингизда эслатма, будилник қўйинг. Буни қилиш сиздан кўп вақт олмайди. Кузатиб боринг, яқин масофадан кўп ишлаганингизда олинган рақамларни, куннинг кўп қисмини очиқ ҳавода ўтказган кунлардаги рақамлар билан солиштиринг.
2. Ўқинг. Қанчалик кўп билсангиз, маррага шунча тез етишасиз.
Манба: https://endmyopia.org/day-47-interpreting-centimeter-numbers/
